Nuuk – 20. Oktober 2025

 

 

Suleqatigisartagaq nukittooq ataaseq: Arctic Print-ip aamma AV Greenland-ip nukiit kattutilerpaat

Arctic Print ApS-ip aamma AV Greenland ApS-ip kattullutik aammalu ingerlaannartumik atuutilersumik suliffeqarfik nutaaq ataatsimoortoq pilersillugu, ullumi nalunaarutigaa. Kattunnermi sullitat ataatsimoortitanik aaqqiissutissanik suli amerlanerusunik neqeroorfigisinnaaniarlugit, pappialanut nuutitsisarnerup naqitanngortitsisarnerullu iluanni, kiisalu av-nut atortunik eventsupport-inillu suliaqartut nukittuut marluk ataatsimuulersinneqarput.

 

Arctic Print Solutions

Ingerlatseqatigiiffik nutaaq, ateqalersoq Arctic Print Solutions, ingerlatseqatigiiffiup Arctic Print Aps-ip, AV Greenland ApS-ip ingerlataannik unitsinneqartunik pisisup, qaavani pilersinneqarpoq. Arctic Print Solutions-ip taamaalilluni siunissami suliffeqarfiit marluk taakkua ataatsimoorlutik nukittuffii ukiorpassuarnilu Kalaallit Nunaanni niuerfinni misilittagai atorluarniarpai. Siunnerfigineqarpoq Kalaallit Nunaat tamakkerlugu pappialanut nuutitsisarnerup naqitanngortitsisarnerullu, isigaluni attaveqaqatigiinnerup aammalu eventteknikkit iluanni tamakkiisumik pilersuisuni siuttunngornissaq.

Pisortaaneq Klaus K. Poulsen oqarpoq “Sanileriilluta suliffeqarfiup iluani allaffeqarsimavugut aammalu suliffeqarfitta ineriartornerat isigisimallugu. Maannakkut ataatsimuulerpugut, tassami takusinnaagatsigu ataatsimoorluta sukkanerusumik nukittunerullutalu ineriartorsinnaalluta. Niuerfimmi nukittunerulissaagut, taamaalilluta siuariartornissamut piareersarsinnaanerulissalluta. Sinerissami najuunnerput sullissinerpullu atorluassavarput, taamaalilluni AV-inik aamma pappialanut nuutitsisarnermi naqitanngortitsisarnermilu sullitagut nunarput tamakkerlugu pitsaasumik sullinneqarsinnaassallutik. Nukittuffigut atorluarpagut – tamanna sunneeqatigiissitsineruvoq pitsaasoq!”

 

Ataatsimoorluni nukittuneruneq: Sullitanut iluaqutissartaasut

Kattunneq ingerlatsinerup akimmisaarfeqannginnissaanik sunniuteqarluarnissaanillu aammalu sullitanut naleqarnerulersitsinissamik kissaateqarnermeersuuvoq. Arctic Print aamma AV Greenland illumi ataatsimi ataatsimooreermata, immikkut ilisimasat isumalluutillu ataatsimuulersinnissaat ajornaatsuaraasussaavoq aammalu Arctic Print Solutions siunissami sunniuteqarluartunik, nutaaliorfiusunik ataqatigiittunillu aaqqiissutissanik suli amerlanerusunik pilersuiliinnartussaavoq, kiisalu tuniniaaneq sullissinerlu nukittorsaannartussaallugit.

”Piginnaasaqarfitta kattunnissaat annertuumik periarfissaqarluartoq takusimavarput,” oqarpoq Tuniniaanermut pisortaq Ricco Risager Nielsen, ”Suliffeqarfittut ataasiinnartut maannakkut ’one-stop-shop’-imik misigisaqartitsinissaq neqeroorutigisinnaalerparput, naqitanngortitsisarnerit pappialanullu nuutitsisarnerit aammalu skærmi atorlugu aaqqiissutissat anginerpaat event-iliornerillu iluanni pisariaqartitaminnik pissarsisinnaanissaat sullitatsinnut malunnaatilimmik ajornannginnerulersitsisumik.”

Ricco Risager Nielsen nangippoq: ”Sullitap nutaamik allaffittaarnera apeqqutaatinnagu isigaluni ataatsimiinnissaq imaluunniit ataatsimeersuarnermik annertuumik aaqqissuussinissaq qulakkiissavarput, taamaalillutik taakkua akimmisaarfeqassanatik pikkorissuseqarluinnartumillu aaqqiivigineqassallutik. Kattunneq siunissami pitsaanerpaamik siuariartornissaq sullissinissarlu qulakkeerniarlugit uagutsinnut pissusissamisoortumik alloriarneruvoq.”

Siunissami ukkatarineqartussaq aqutsisoqarnerlu

Arctic Print Solutions-ip Nuummi qullersaqarfeqarluni najukkamiinnini attatiinnassavaa aammalu nunarput tamakkerlugu sullissiinnassalluni.

Aqutsisut ajornartorsiutitaqanngitsumik ikaarsaartitsinissaq tunniusimaffigaat, tassani sullitat sullinneqarnerat pilersorneqarnerallu kipitinneqarani ingerlaannassalluni. Arctic Print-imi aamma AV Greenland-imi sulisut tamarmik ingerlatseqatigiiffimmi nutaami suliinnassapput, tamatumanilu ilisimasat iluatinnaatillit inuttullu atassuteqarnerit attatiinnarnissaat qulakkeerneqarpoq.

Suliffeqarfimmi qaammatini aggersuni periaatsit ataatsimuulersinnissaat aammalu tunisassiat allassimaffiannik nutaamik ataatsimoortumik saqqummiinissaq, ukkatarineqassapput. Nittartagaq nutaaq ineriartortinneqaleruttorpoq aammalu suliffeqarfiup suleqatiginerani allannguuteqartoqassanersoq pillugu, sullitat paasissutissiivigineqassapput.

 

Tusagassiortut attaveqarfissaat

Klaus K. Poulsen, Oqarasuaat 38 80 11, kkp@arcticprint.gl.

Tusagassiuutinut nalunaarut pdf-imik download-erlugu