Tuniniaanermi piumasaqaatit

1. NALIGINNAASUMIK
Tuniniaanermi- aamma nassiussinermi piumasaqaatit uku neqeroorutinut, tuniniakkanut nassiussanullu illuatungeriit akornanni allakkatigut allamik isumaqatigiissuteqartoqarsimatinnagu tamanut atuutsinneqarput.

2. AKIT
Akit tamarmik danskit kruuniinik naatsorsugaapput momsilu ilaatinneqarnani. Arctic Print-p akiutai Arctic Print-p akinut nalunaarsuutaani allaqqapput imaluunniit neqeroorummi aalajangersimasumi allaqqallutik, tassanilu aamma nassiussinermi akinut paasissutissat aamma atuarneqarsinnaapput Arctic Print-imit naatsorsorneqarsimasut valutat, akitsuutit, akileraarutit, akitsuusiussat allallu allannguutai nassiussinissamut isumaqatigiissut aallaavigalugu naatsorsorneqarsimallutik. Tunisassiorfik tuniniakkamut atatillugu akimik immikkut allannguuteqarniaruni pisisup ullut qulit qaangiussimatinnagit Arctic Print-ip tamatuminnga noqqaassuteqarneratigut pisiap tigusimaneranut uppernarsaat Arctic Print-mut tunniutissavaa, kiisalu akiligassiissutip kopia Arctic Print-mut nassiullugu. Suliniutinut pineqartunut tunisassiortut kiisalu Arctic Print-p malittarisassai nakkutigissallugit pisisoq pisussaatitaavoq. Tamannattaaq piffissami uninngatitsigallarnermi tuniniaanermi aammalu fiskal inatsisaanut maleruagassaanullu naapertuuttumik paasissutissanut pissarsiarineqarsimasunut atuutsinneqarpoq. Arctic Print-p imaluunniit tunisassiortut malittarisassai pisisumit eqquutsinneqarsimanngippata Arctic Print pisisumut unioqqutitsinerup akiligassiissutigineqarnissaanik pisinnaatinneqarpoq, taamattaarlu Arctic Print-imit imaluunniit tunisassiortumit pisisoq siunissami suliniutinut peqataaqqissinnaajunnaartinneqarsinnaavoq.

3. AKILIINEQ
Akiligassamik akiliineq kingusinnerpaamik pissaaq akiligassiissummi akiliiffissatut ulloq kingulleq allassimasoq malillugu. Pingaarnertut maleruagassaq malillugu akiligassaq pisinermi ingerlaannaq akilerneqassaaq. Akiliinissamut ullorititaasoq kingulleq allassimaneqanngippat pisiap tunniunneqarnerani ingerlaannaq akilerneqassaaq. Akiligassaq akiliinissamut ullorititaasoq kingulleq qaangerneqarpat Arctic Print qaqugukkulluunniit akilerneqarnissaata tungaanut qaammammut 2%-mik erniaqartitsinissamut nukingisaarinermilu akitsuutitut ilassuteqaateqassalluni pisinnaatitaavoq. Pisisup erniat aammalu aningaasartuutit ilanngullugit aatsaat akilersimalerpagit akiitsorisai peerneqassapput. Taassumalu kingorna akiitsorisai. Pisisoq Arctic Print-mut illuatungiliuttumik akiligassamut annikillisaataasumik Arctic Print-p allakkatigut akuersissutigineqarsimasumik peqanngikkuni piumasaqaateqarnissamut pisinnaatitaanngilaq, kiisalu aamma pisinermi illuatungiliunneq aallaavigalugu tamakkiisumik akileerusunnginnissamut pisinnaatitaanani. Nassiussineq arlaatigut pisisup inissisimanera peqqutaalluni kinguartinneqassagaluarpat, piffissaq isumaqatigiissutaasimasoq eqquutsinneqarsimasutut ilillugu Arctic Print-mut akiliuteqartoqassaaq. Arctic Print-imit tamanna allakkatigut nalunaaruteqarnermi avaqqunneqarsinnaavoq. 

4. PIGINNITTUUSINNAATITAANEQ
Arctic Print nioqqutissamut nassiunneqareersimasumut akia tamakkiisumik, nassiunnerani aningaasartuutit, erniat, aammalu aningaasartuutaasinnaasut akilersimatinnagit piginnittussaatitaanermut piginnaatitaavoq.

5. PISIAP TUNNIUNNERA
Pisiap tunniunnera Danmarkimi najugaqaraanni toqqaannartumik pisarpoq. Assartuussineq pisisumut akiligassiissutigineqartarpoq akimi ersarissumik nassiussinermi aningaasartuutit ilaareersimanerat allaqqanngikkaangat. Pisiap tigunissaanut piffissaliorneqartoq Arctic Print-imit neqeroorut imaluunniit isumaqatigiissut naapertorlugu naatsorsorneqarluni missingersorneqartarpoq. Arctic Print nassiussinermi kinguartoorutinut akisussaatinneqarsinnaanngilaq, taamaakkaluartoq sapinngisarput tamaat piffissaq eqqorlugu pisiap apuunneqarnissaa isumagisarparput. Assartuussinermi sillimmasiineq akiligassiissutip 0,4 procentiasut akiligassiissutigineqartarpoq + nassiussineq kiisalu 10 % iluanaarutaasinnaasunut.

6. AVAMMUT ASSARTORNEQARTUT EQQUNNEQARTULLU PILLUGIT MALITTARISASSAT
Tunisassiat tamarmik, kingoraartissat, teknikkikkut paasissutissat, software kiisalu uppernarsaatit avammut assartuussinermi eqqutallu pillugit inatsisinut allanullu malittarisassanut pituttorsimasinnaapput, taamaakkaluartoq aningaasat Danmarkimeersimanissaannik, EU-meersimanissaannik, USA-meersimanissaanik imaluunniit avammut nassiussisoqarsimatillugu nuna eqqussiuviusuminngaanneersimanissaannik pituttorsimatinneqaratik. Pisisup avammut assartuinermi eqqussinermiluunniit inatsisit, peqqussutit malittarisassallu eqquutsinnissai pisussaatitaaffigai, taassumalu saniatigut pisinnaatitaaffiiit/ imaluunniit akuersissuteqaatit attuumassutillit pissarsiarinissaannut pisussaaffeqarluni.

7. INNIMINNIINERMI KUKKUSAT / UTERTITSINEQ
Naliginnaasumik nioqqutissat utertinneqarsinnaasanngillat. Ilaatigut pisianik utertitsineq/taamaatitsiinnarneq allakkatigut isumaqatigiissutilioreertoqarsimaneratigut pisinnaavoq, tamannalu nioqqutissanut quersuarmiittunut puui ammarneqarsimanngitsunut kisimi atuutsinneqarluni. Nioqqutissat inniminnerneqarsimasut kiisalu PC aamma Notesbookinut tunngasut taamaatiinnarneqarsinnaanatillu utertinneqarsinnaanngillat. Pisiamik utertitsinermi/taamaatiinnartitsinermi Arctic Print utertitsinermi akiligassiissutip nalingata 15%-iata kiisalu niuerfimmit assartorneqarnerani akip utimullu assartornerani akip akiligassiissutiginissaanut pisussaatippoq, minnerpaamilli kr. 350,-. Nioqqutissat akii atuuttut naapertorlugit utertinneqassapput.

8. TUNISASSIAT PILLUGIT PAASISSUTISSAT
Quppersakkani aamma tuniniaanermi nassuiaatini paasissutissat kukkuneqarsinnaanerinut allannguuteqarsinnaanermut pisinnaatippugut. Arlaatigut kukkunerit allannguinerilluunniit Arctic Print-mut atuutsilersinneqarsinnaanngillat.

9. TUNISASSIAP ALLANNGORTINNEQARNERA
Pisisumut nioqqutissap pissusissamisut atornissaanut ajoqutaanngitsumik kalerrisaareqqaartigani Arctic Print allannguinissamut imaluunniit immikkoortiterinikkut ammartiterinissaminut pisinnaatippoq.

10. PIGISAANNGITSUNUT PISINNAATITAAFFIIT
Tunisassiat nioqqutissat meqqii malillugit tamarmik immikkut pisinnaatitaaffimmik piginnittumit pigineqarput. Nioqqutissat meqqiisa atorneqarnissaat siumoortumik immikkut tamarmik pisinnaatitaaffinnik piginittumut akuersissummik pissarsisimanissamut piumasaqaatitaqarpoq. Softwarenik tamanik atuinerit pisinerillu nioqqutissamut malittarisassat akuersissuteqaatillu ilanngullugit maleruaasuupput. Software nioqqutissamut pisiamut ilaasimatillugu tamanna tuniniaanermi pisiniartunut atuisunut tuniniaqqinnissaa siunertaralugu tunniunneqassaaq, tamannalu isumaqarpoq atuisunit kopi-rneqarnissaa allanulluunniit atugassianngorlugu tuniniarnissaa inerteqqutaasoq*. Softwaremik arlaleria atueqqinnissamut akuersissuteqaammik tunniussisumit allakkatigut isumaqatigiissuteqarsimanissaq piumasaqaataavoq. 

Arctic Print-imit nioqqutissaq nunami pineqartumit avammut assartorneqarluni pisiarineqarsimatillugu pisisup pigisaanngitsunut piginnaatitaaffinnik unioqqutitsinera Arctic Print-mit akisussaaffigineqanngilaq, matumani Arctic Print-imit pisisup nunamut eqqussiffiusumi nioqqutissap atorneqarsinnaanissaanut akuersissuteqaammik atuisinnaanissaa qularnaveequsersinnaannginnera peqqutaalluni.

*atuisinnaanermut akuersissuteqaatit sorliuneri matumani apeqqutaatinneqarput.

11. AMIGAATAASUT AJOQUTILLILLU
Pisiat tigunerini pisisup tunisimasat niuernermi pisussaaffiit malillugit eqqortuunersut tamarmik misissugassarai. Arlaatigut amigaateqartoqarpat pisisup 48 tiimit qaangiutsinnagit Arctic Print-imut allakkatigut nalunaarutigissavai, tassanilu aamma suut amigaataaneri nassuiarneqarsimassallutik. Arlaatigut amigaateqartoqarsimatillugu pisisup qulaani taakkartorneqartut naapertorlugit nalunaarutigisimanngikkuniuk kingusinnerusukkut amigaataasut atuutsinneqarsinnaanngillat. Arctic Print amigaatit pillugit ikiuunnissaminut imaluunniit nioqqutissamik tunniussinissaminut aalajangiisinnaatitaavoq. 

Pisiarisimasanik allanngortiterisoqarsimappat puujaalluniluunniit allannguuteqartoqarsimatillugu Arctic Print pisussaaffinnut tamanut akisussaatinngilaq. Arctic Print-mit noqqaassutigineqartoq naapertorlugu pisiaq ajoquteqartutut nalunaarutigisaq nassiunneqassappat pisisup tamanna akilissavaa utertinneranilu aarlerinaatit akisussaaffigissallugit, kiisalu nioqqutissap Arctic Print-imut utertinneqarnermini pisiarinerani puuaniinnissaa qulakkeersimassallugu. Arctic Print sukkulluunniit atortoq ajoquteqartutut nalunaarutigisimasaq kisiat tigussallugu pisinnaatippoq. 

Arctic Print immikkut ittumik kiffartuussinissamut isumaqatigiissusiorsimaguni kiffartuussinermi pisussaaffik nioqqutissanut pisiarineqarsimasunut kisimi atuutsinneqassaaq. Atortut ajoquteqartutut nalunaarutigineqarsimasut Arctic Print misilittarnissaanut pisinnaatippoq. Arctic Print atortumik misiliinerani atortoq ajunngitsutut nalilerneqarpat akiligassiissut ilanngullugu suliarineqarsimasutut utertillugu nassiunneqassaaq. Arctic Print aatsaat misilittaareernerup kingorna taarsiisinnaalluni/utertitsisinnaassaaq.

Taarsiineq: Nioqqutissaq tiguneqarnerminiik assinganik amerlassuserisaanillu taarserneqassaaq.

12. AKISUSSAAFFIMMUT KILLIGITITAT
Taarsiivigitinnissamik piumasaqaatit pisiarisimasap nalinga qaangerlugu inissinneqarsinnaanngilaq. Arctic Print-p taarsiivigisaqarnermi toqqaannartumik atortup ajoquteqarnera kisimi atuutsinneqarpoq, matumani ingerlatsinermi annaasaqarnermut, iluanaaruteqarnermi annaasaqarnermut imaluunniit arlaatigut allatigut annaasaqarnermut akisussaatinneqarnani. Arctic Print amigaateqartoqarsimanerani ikiuunniarnermi, taarsiiniarnermi imaluunniit taassuminnga siunertaqarnermut kinguaattoorutaasunut akisussaatinngilaq.

Arctic Print ataani taakkartorneqartut peqqutaallutik pisinermi akornguteqartoqarsimappat imaluunniit naalliunnartorsiortitsisimappat pisussaaffeqassalluni akisussaatinngilaq.

Sulinermi ajutoornerit illuatungeriinnit allanngortinneqarsinnaanngitsut, soorlu ikuallattoornerit, sorsunnerit, sorsunnissamut piareersarnerit assigisaaluunniit, inatsisitigut noqqaassuteqarneq, arsaarinnissuteqarneq, valutamut atatillugu killilersuinerit, pikitsitsinerit eqqissiviilliornerillu, niuerfimmit allamit assartuussinermi atorissaarutinik amigaateqarneq Arctic Print-imit isumaqatigiissuteqarnerup eqquutsinnissaanut ajoqutaasinnaasut taakkartorneqartut peqqutaallutik tamanna piviusunngortinneqarsinnaannginneranut tunngavigineqarsinnaapput.

Pissutsit taakkartorneqareersut pissagaluarpata isumaqatigiissuteqarnikkut neqeroorummi ilanngunneqarsimareernissaat akisussaatinnginnissamut tunngaviliisuussaaq, pisorlu piffissami tassani naatsorsuutigineqarsinnaasimanngippat. Tunisassiat tuniniaanermi naliginnaasumik atugassiatut ilusilersorneqarnikuupput. Tunisassiat ajalusoorfiusinnaasuni systemini atorneqartut, soorlu sillimaniarnikkut-, qaartartumeerinermi-, sakkutooqarnemi sakkulersuutit/ikkussuiffiit, pilersuinikkut suliffeqarfiit, inuup inuuneranik annaassiniarnermi atortorissaarutit imaluunniit sakkulersuutinik nittarsaassinissat inerteqqutaapput, matumani tunisassiortumit pineqartumit allakkatigut akuersissuteqartoqartinnagu.

13. TUNISASSIAMUT AKISUSSAAFFEQARNEQ
Annertussuseq aallaavigalugu Kalaallit Nunaanni eqqartuussinikkut inatsisitigut tunisassianut akisussaaffik ukunani killilersimaartinneqarpoq: Arctic Print-imit ajoqusiineq tunisinermi piusoq taamaallaat akisussaaffigineqarpoq, tassanilu Arctic Print-mit kukkussut ajoqusiinerlu pisuussutigineqarsimanera uppernarsarneqarsinnaassalluni.

14. PISINNAATITAAFFINNIK PISUSSAATITAAFFINNILLU TUNNIUSSISINNAATITAANEQ
Arctic Print piginnaatitaaffiit pisussaaffiillu isumaqatigiissut malillugu pingajorisamut tunniussinissamut piginnaatippoq.

15. ISUMAQATIGIINNGISSUTIT
Pisisup Arctic Print-illu akornanni isumaqatigiinngissutit suulluunniit Kalaallit Nunaanni eqqartuussivikkut naliliiffigineqassapput.